睇完荷蘭對哥斯達黎加嘅8強賽之後，我不禁倒抽一口涼氣，講番句：「雲高爾好波！」。雖然荷蘭㩒住嚟打，但係90分鐘都未贏到，喺人人都以為哥斯達黎加又會再爆冷嘅時候，雲高爾竟然出奇招，換走正選龍，換入告魯爾，喺呢啲咁關鍵嘅時刻作出呢個調動，睇到我O晒嘴呀！
但事實證明雲高爾呢招係掂嘅，告魯爾全部捉到路，仲救到兩球12碼幫球隊出線，除咗今次調動成功之外，16強對墨西哥時，雲高爾都換走大佬尹佩斯，換入亨特拉爾，結果亨特拉爾就入咗12碼，令荷蘭晉級。雲高爾真係冇得頂，唔單止膽色過人，仲完全了解隊中每個球員嘅能力同特性，作為球員能夠遇上咁知人善用嘅教練，真係人生幾何，荷蘭勁呀！
至於啱啱個星期日我就去咗文化中心睇Winner stays，雖然無份踢，但點都要撐吓啲波友嘅，有咁靚嘅維港夜景陪住踢（圖），係爽嘅！我仲見到對面海嘅中信大廈幕牆係咁loop住參賽球員嘅相，全港人都睇到喎，真係令人羨慕。
文：陳子樑
識睇 一定睇蘋果嘅足動世盃：
http://worldcup2014.appledaily.com/