「三胡」胡杏兒、胡定欣及胡蓓蔚（豹嫂），日前一齊出海曬太陽，出得海，又點少得泳裝呢？前日胡杏兒就喺微博貼咗幾款泳衣照，盡騷事業線，sexy程度爆燈添，而呢輯400%性感泳照相，仲有一兩張據聞係由張敬軒操刀拍攝0架，好羨慕軒仔呢...
好喇，杏兒前日發完功，噚日就輪到人妻豹嫂嚟料貼相呀，胡蓓蔚昨午一口氣連貼6張泳照，張張都性感過人，不過今次呢批相就唔係由張敬軒操刀，而係由「三胡」之一嘅胡定欣操刀，胡蓓蔚仲話：「新晉攝影師胡定欣的作品！有需要找泳裝攝影師請聯繫右下角的她！」影得又真係幾靚啵，有張豹嫂同杏兒合照，真係好好feel呀，索到暈﹗
唔知過多一陣，會唔會輪到定欣貼佢嘅靚爆泳照呢？好期待呀﹗