【拆 局】
樓市熾熱，一宗又一宗的新高價出現，新界上車盤紛紛搶到400萬元以上。買家心口掛個勇字，似乎完全忘記歷史，不怕高追撲入市。不少用家目前心態是先求上車，事關現時不買，怕遲買更貴更難，造就缺盤下迫住搶盤、樓價癲升的現象。
政府辣招鎖死盤源，額外印花稅（SSD）令二手供應不斷減少。舉例說，沙田第一城樓市最旺時，二手放盤有近千個，現不足300個，可以睇樓的匙盤更十隻手指數晒。面對二手缺盤嚴重，換轉你是業主，肯定不會輕易賣樓，要以天價才能打動業主割愛。
近年樓市壞消息接踵而來，包括政府狂推地、美國將加息及發展商減價賣樓等，當時相當不少市民都覺得樓市跌硬，業界及專家更唱衰今年樓價必跌一至兩成。
但經過數月觀察期，所謂壞消息被外界視乎「無料到」，累積的購買力一下子湧現，觀乎上半年整體樓價不但未見顯著下跌，部份屋苑更屢創新高，部份用家恐樓市再癲過，加上盤源每天減少，心態是買來自住，只要計掂數，上到車先是最重要。