太古地產（1972）除咗有靚商場，仲有靚女公關。TVB前新聞小花鄭俙璇上月初加盟太古地產做公關，上周五公司喺自己地頭太古坊舉行活動，佢都有喺現場幫手打點，佢旁邊嗰位靚女係「80後」同事。
鄭俙璇離開TVB都有超過3年，佢過去幾年幫「蘭桂坊之父」盛智文（Allan Zeman）打工，由於蘭桂坊近年開拓內地市場，佢經常都要北上工作，平均每個月都要北上兩次。
佢大讚盛智文係一位好老闆，待人十分友善，不過佢確實唔想經常出差，於是選擇離開，上月初去咗太地工作，做公共事務經理，主要負責地區事務，即係跟社區人士、區議員打交道之類。