帝盛酒店（2266）總裁邱詠筠（Winnie）𠵱家要打理嘅酒店越嚟越多，不過佢都好識得忙裏偷閒，一有機會就會飛去第二度充電。
Winnie早排就去咗有「中東巴黎」之稱嘅黎巴嫩首都貝魯特出席朋友婚禮，不過位處敍利亞隔籬嘅黎巴嫩治安都係麻麻地，所以Winnie出發之前都唔敢同佢爸爸邱達昌講，到咗埗先報個平安。
Winnie話，初時去到黎巴嫩都唔覺得嗰度好亂，「初初都唔識驚，但係睇多一兩日報紙先至識驚，原來真係有地方不斷咁爆炸。」
其實黎巴嫩同Winnie都有啲淵緣，因為佢鍾意嘅作家紀伯倫（Kahlil Gibran）都係黎巴嫩人。
問到Winnie嚟緊想去邊度玩，佢就話想去古巴同南美。不過嚟緊個暑假Winnie要上Summer course進修，睇嚟短期內都好難成行喇！