話說，上周我跟睇波團飛泰國去了。在香港危急存亡之秋，離港尋樂，或者，是有報應的。到埗當晚發生小意外，結果，巴西對智利的16強淘汰賽，我是在曼谷聖類思醫院急症室睇嘅。
到曼谷後，一心到夜市吃過飯，準時在泰國時間晚上11點（即香港時間凌晨12時）前，返酒店坐定定睇南美大戰。車停定後心急下車，沒想到車子「神神哋」，門掣失控，眼看就要夾向我腦門，本能地伸出右手去擋。於是，曼谷版滿清十大酷刑上演了──我右手4根手指變晒黑色，冇晒知覺！同行友人大驚失色，馬上把我送進就近醫院。扶着夜市亭警給我敷的冰袋，心想，今晚冇得睇巴西對智利了。
素聞泰國人愛足球愛睇波，但沒想過愛到連急症室都開着電視播世盃的地步。從登記、量血壓、照X光到付款，即是由法定時間睇到加時、再到踢12碼險勝（圖）、巴西兵痛哭，我全程在候診室不同位置近10部電視之間，穿梭往來斷續觀看。X光室門外等醫生，推輪椅的男護士還特意多開一部電視給我，當然他本人也睇埋一份。不過，在醫院睇波，病人醫護都靜靜的，偶爾有起腳唔入，也只是低呼哎喲。這時候，倒有點懷念香港酒吧全場齊X的壯觀場面。
之後在酒吧睇波，歐美遊客一面倒捧歐洲隊，香港球迷的愛隊反而多元化。荷蘭對墨西哥，多想跟搭訕鬼佬說我們都喜歡墨西哥吳鎮宇。原來，我開始掛住香港了。
梁偉詩
識睇 一定睇蘋果嘅足動世盃：
http://worldcup2014.appledaily.com/