一，話你阿媽知，你有你的空間，大個女，唔使阿媽說三道四。
二，褩手，唔係公關騷，既然流血的是你本人，證明你有權以各種非暴力方式抗爭。考慮吓，回港佔中。
三，喺海德公園會被阿爸操縱，回來維園，頂多被警察阻住，企足四小時才可以出發遊行。計過，都抵。明年七一，預你一份。
四，做公眾人物的子女，跟做普通人子女最大的分別是，警察一樣會抬你走，但絕對唔會擰你條頸、搣你塊臉，保證你個靚樣原裝見報。而報章百分百唔敢漏夜抽稿改版，調走你張相！
五，萬一警方事後上門拘捕，開門那位，是你阿媽和你阿爸，一定好睇過公關騷。記得裝定攝錄機，你阿媽會不會用四分鐘大鬧個警察哥哥涼薄、刻毒？
六，對政治時局不吝發聲的你，最好回來參加直選。唔係lol，香港人已經支持佔郵輪和建議組織民警城管那兩位大媽唔住！期望你這位blue blood，上位！