在5月未窮、6月未絕市況下，7月會否大翻身仍未知。華爾街兩位猛人包括美國經濟學家Gary Shilling，最近畀咗重點投資貼士，喺risk-on市都可以佔上風。環球經濟增長加速似有還無，各地股市指數雖然連番破頂，Gary Shilling向投資者建議，債市相對股市穩陣，尤其是歐元區面臨通縮威脅，有利投資債市。他更睇好九項投資，包括長期國債、固定收益債券、中級奢侈品、消費品和食品、美元兌歐元、特定的醫療服務供應商和醫療業辦公樓建造商和服務商、低市盈率股票、可促進生產力發展的產品或服務商及北美能源供應商與可再生能源。另外，市場預期中國經濟增長以及對大宗商品需求增加，所以Gary Shilling已經沽空澳元同加元。
貝萊德投資策略師Russ Koesterich亦有喺blog寫咗叫大家留意前沿市場（frontier market）股市，可以加大注碼，因為回報仲好過新興市場。其實前沿市場係標準普爾用嚟描述比新興市場更細、流動性更低嘅國家股市，例如肯亞及科威特等。
Russ Koesterich話，前沿市場跟新興市場及發達國家市場聯繫越來越多，反映潛在收益亦轉趨多元化。
而前沿市場亦較新興市場冇咁波動，並處於歷史低位。另外，前沿市場人口及人均GDP增長，帶動前沿市場出現爆炸性增長。
C+B
本欄逢周一刊出