左手要嚟做咩好？記得同左手最有關係嘅名句就係「左手只是輔助」，咪以為輔助就唔緊要啊，所以有時都聽過有人刻意去訓練左手，而沈大師沈卓盈最近就要被迫訓練左手喇。
點解咁講？事關佢整親隻右手囉。噚日沈大師喺微博貼咗三張相，當中有受傷照，佢話：「右手手指不小心撞傷差不多一星期了，中間那節骨撞到裂了，現在還在痛～傷了一隻手指尾，但成隻手也用不到力，看來這段時間我要好好訓練隻左手了。」
沈大師不愧為沈大師，整傷手指都要晒下佢嘅事業線，因為其中一張相，沈大師著住黑色小背心騷佢隻受傷嘅手指，不過沈大師嘅事業線配上小背心實在太強勁呀，一時之間，都唔知將視線放喺佢隻手指尾定係心口度好囉﹗