巴西對哥倫比亞世盃8強戰，前晚港版尼馬伍文生和港版J洛徐天佑，各自為支持隊伍打氣，最終巴西以2比1擊敗哥倫比亞，取得4強資格，不過在賽事後段，巴西主將尼馬遭到對手辛尼加膝傷背部，痛得淚流披面要擔架抬離場。巴西隊軍醫賽後證實，尼馬因為脊椎骨裂，預計需休養六至八個星期，本屆餘下賽事無法上陣。
港版尼馬伍文生對尼馬受傷不值，他說：「好唔抵囉！都唔知人哋係咪有心，其實真係好擔心，巴西成個結構，佢係前鋒，好多嘢靠佢進攻，如果咁樣巴西贏唔到㗎！捧唔到盃真係大家一齊喊，不過就算佢唔能夠出場，希望佢可以精神上支持，坐喺球場度，咁班隊友都開心。」
採訪：魏嘉琳
攝影：張軍
識睇 一定睇蘋果嘅足動世盃：
http://worldcup2014.appledaily.com/