【本報訊】靚仔球星雖然吸睛，但球技也不可少。本地球會太陽飛馬的女助教陳婉婷（牛丸）認為，論養眼與球技兼備，首推暫時以六球領先射手榜的哥倫比亞10號仔占士洛迪古斯，「佢外表幾靚仔標致、幾可愛，好討好，身形亦都適中。都係有齊俾人鍾意嘅球星質素」。
製造埋門機會
陳大讚占士洛迪古斯靚仔後，當然亦以教練角度評價他：「佢嘅表現非常突出，幾場發揮都好成熟，感覺唔到佢22歲同第一次踢世界盃，佢主導咗成場波。每次進攻都好積極，全場奔跑，製造好多空間，同埋門機會。」她認為，經過今屆世界盃，占士洛迪古斯肯定會成位一名搶手球員。
陳婉婷眼中另一名靚仔兼有實力的球員，是23歲法國隊翼鋒基沙文，美中不足是身形較矮小，但論球技則不可小覷，「佢活力充沛、後生，後備出場但對球隊起到好大作用」。16強賽事法國對尼日利亞，開局後雙方都無法入波，基沙文後備入場製造相當大的威脅，更直接和間接製造了兩個入球，拯救球隊，「佢閱讀球賽嘅能力都好強，反映佢對法國隊十分重要」。
識睇 一定睇蘋果嘅足動世盃：
http://worldcup2014.appledaily.com/