【壹週刊】分域碼頭最近有間新鋪Quayside 有成七千呎，露台位置仲好似東南亞渡假村嘅池畔，更有無敵維港景，香港終於有地方可以媲美三藩市漁人碼頭同悉尼海濱。
Quayside位置靚絕灣仔，室內以深橙和黑色為主，金銅加木製傢俱簡約得嚟帶點古典味。巨型室外露天位種滿熱帶植物，加上橙加白梳化和一排面海嘅白藤高椅，充滿渡假FEEL。
Quayside 嘅總廚曾到世界各地掌廚，法菜烹調技巧根基深厚，亦精通意大利、西班牙、英國、甚至墨西哥同泰菜。呢款用蛋香較重嘅意粉，加上意大利黑松露同松露油，簡單帶出玻天茹菌濃香。
菜式講時令，Cocktail 也因夏天而多為清新果香口味。環境靚，食物又咁吸引，至於價錢呢？大部份都主菜都係百幾蚊碟，午市套早餐一百蚊樓下有得食，可話係法式小酒館消費。
iPhone版下載：
http://goo.gl/1SDaWF
Android版下載：
http://goo.gl/xfQS8D