尿袋呢家嘢，大家都話自己係地上最強，不過買到返屋企，都係覺得佢唔多足數！啱啱XPOWER返咗隻X11 POWER BANK（$348），機身薄薄話自己有11,000mAh，起初我都覺得唔多靠得住，跟手Sales解釋：「一般尿袋好似小米電咁，佢哋所用嘅係鋰離子電池做材料，雖然mAh數高，但相對會比較大嚿；但呢嚿X11由於使用咗鋰聚合物做電池材料，例如iPhone內置嗰嚿電，都係用咗同一樣物質，所以先可做到咁薄又咁高電量！」聽落都係「道理哥」，不過最正當然係機身超薄，更寸係開關仲用咗觸感控制，要好似Android左掃、右掃做開關。
A-Grade
