被譽為奪冠大熱嘅阿根廷將喺今晚火併黑馬比利時，人人都話南美球隊有半個主場優勢，而8強當中就分別有4隊歐洲隊同4隊美洲隊，咁睇法又真係好似係喎！不過，就咁睇，由6月中開始到𠵱家都踢咗4場比賽，加埋好窩心嘅cooling break飲水時間，相信歐洲球隊會開始適應，發揮應該會更穩定。
高圖爾斯年青有為
所以今晚推介大家睇實一直發揮穩定嘅比利時門將泰拔高圖爾斯（圖）。呢位身高1米99嘅門神，雖然年僅22歲，不過18歲就鋒芒盡露，而俾車路士簽咗，再借到馬德里體育會吸取經驗。擁有一副俊俏面孔嘅高圖爾斯今晚將面對球王美斯嘅威脅，但過去一季美斯喺西甲對住高圖爾斯6次都唔可以射破其門，睇嚟美斯今晚見到高圖爾斯都幾頭痕，難怪車路士都急急收返呢位門神。
「彈琵琶」隨時出事！
「彈琵琶」係指守門員接波抱唔實，令個波彈番出去。上次阿根廷門將就彈到差啲出事，但一直表現出色嘅高圖爾斯就應該唔會發生！
陳婉婷
太陽飛馬助教
識睇 一定睇蘋果嘅足動世盃：
http://worldcup2014.appledaily.com/