之前無波睇，心靈雖然有啲空虛，但我都過得好充實，因為我要備戰之前提過嘅Winner stays嘛！比賽呢兩日會喺尖沙嘴文化中心出面踢，咁難得可以喺呢個咁有代表性嘅地方鬥波，點可以唔搏到盡呀！
近期我都同隊友日日落街場練波（圖），熟習番踢石地同細場嘅感覺，仲專登落去喪跑圈，操番啲體能，因為呢個比賽係長途戰，要喺兩個鐘內不斷K.O.對手，贏得最多場嘅隊伍先可以出線下個星期六、日嘅決賽，我嘅目標一定係冠軍，因為下星期六就係我嘅生日，真心希望送呢份生日禮物畀自己囉。
我啲friend話，原來無報名嘅都可以去試玩，佢哋收到風，到時會有細場畀人即場鬥波，加埋啲mini games，仲唔係成個足球嘉年華咁，快啲約埋戰友一齊去玩啦！
至於今晚世界盃8強就有阿根廷對比利時同荷蘭對哥斯達黎加，兩場都令人好期待，我預咗鬥完波就同隊友直落睇波嘞，希望到時可以keep住最high嘅情緒全情投入最後一晚嘅8強賽啦！
文：許家樂
識睇 一定睇蘋果嘅足動世盃：
http://worldcup2014.appledaily.com/