【本報訊】「休班警就有得送院睇醫生，阿樂唔去得，佢唔係人咩？」約了阿樂吃飯的嘉偉，直斥警方遲遲未將阿樂送院做法失當，懷疑另有內情。另一好友阿希更指阿樂死得冤枉，現場離仁濟醫院僅60米，倘警方有心救人，抬也抬到醫院。
昨凌晨1時許，死者多名朋友在場路祭，撒溪錢，「收嘢呀，鴕鳥！一路好走！」據了解，阿樂中三輟學，有黑社會背景及毒品案底，他已搬離象山邨10多年，父母仍在該邨居住。《蘋果》記者昨到訪時，其母對兒子之死表現冷淡：「佢冇返嚟，唔使搵佢。」其好友嘉偉亦承認，阿樂以前愛夜蒲，曾經濫藥，惟現時有否再索K則不得而知。
警方發言人表示，警方於前晚8時37分到場，拘捕涉嫌傷人的男子（阿樂），並將受傷休班警員送院，警員在場繼續向小巴司機及乘客調查，其間被捕男子突神志不清，晚上約9時召救護車送院。
警方重申，處理傷人案時會以拯救生命為首要任務，先行照料傷者及將其送院。