狼振英喺立法會答問會上，三次提及「上星期日」嘅示威遊行，佢話當日嘅遊行係「不必要嘅」，又話當日凌晨透過電視睇直播，認為示威者浪費警力，仲批評遊行隊伍行得慢，浪費警隊資源。今年7.1係喺本周二舉行，以一個禮拜嘅第一日係星期日計算，上星期日即係6月22日，即係佔中運動發起嘅公投實體投票第一日。
睇番資料，當日發動過示威嘅有十幾名愛港力成員，佢哋喺銅鑼灣教協票站外反宣傳，叫參與公投嘅港人諗清楚後果。
同日亦有正義聯盟召集人李偲嫣開始喺政總外絕食，抗議有人衝擊立法會。狼英公然批評兩大愛國愛黨組織，唔知係博民望反彈、定係dreaming on立法會？