好多人以為強積金要轉計劃，一定要經過中介人又填表又寄信，一來一回，時間都蝕埋。其實現時大部份強積金受託人都有網上轉基金服務，由轉走舊基金到買入新的基金，需要約兩天的時間。只要平時做足功課留意國際市況，都可以幫強積金戶口捕捉升浪或避開跌市。
轉換基金有三個唔同的選擇，第一是現有戶口結餘的基金轉換，即係將現時持有的基金出售，再購入其他基金。
第二個選擇是重新調配現有投資組合，與第一個選擇相似，不同的是，進行此選擇時，即使沒有改變個別基金的投資比例，但該基金有可能因資產調配，先於市場沽出（ 所謂贖回），其後再重新買入，令相關資金損失部份投資的時間。
第三個選擇為更改新供款投資組合，這選擇只影響未來供款的投資，不影響現有的資產組合。
步驟其實很簡單，要點做？睇片更清楚，呢度唔多講。大家可以Click以下網址，搵番你的強積金受託人網站： http://www.mpfa.org.hk/tch/public_registers/approved_mpf_trustees/trlist.do
提提大家，同一受託人基金轉換次數沒有設限，但轉出次數太多都會影響投資的時間，唔適宜轉得太密。管理強積金要做啲乜，以及要點做都教晒大家，下星期五財經動學堂，會同大家講下強積金的Not to do list，記得留意啦。
欲重溫如何合併強積金賬戶，可Click以下網址：
http://hk.apple.nextmedia.com/financeestate/art/20140613/18756379
欲重溫各基金計劃比較平台，可Click以下網址：
http://hk.apple.nextmedia.com/financeestate/art/20140620/18767367