泛民主派昨在特首答問會上向梁振英「開戰」，原本想暴露梁拒回應佔中公投及7.1 遊行的醜態，怎知因為黃毓民一隻玻璃杯，無端助梁轉移視線、繼而「食住上」將責任推向泛民。有泛民大嘆，究竟那隻玻璃杯是用來羞辱梁，還是為梁提供「子彈」打擊泛民及激進派？
有激進泛民人士直言，長毛梁國雄也經常掟嘢，但尚算有理有節，「長毛掟嘢唔係求其掟，佢掟蕉又好、政府文件又好、陰司紙又好，一定係掟得有原因，唔係求其掟堆紙就算，為掟而掟」。而且長毛掟嘢真的是為政治羞辱官員，不會掟可能傷人的物件，「你可以唔認同長毛，但係佢唔會累街坊，自己做嘢自己負責，唔會話講吓箒、我唔知掟咗乜去卸責」。
建制派乘機大做文章
另一主流泛民更指，黃毓民這一隻玻璃杯，無端令梁振英、建制派以及親政府傳媒，提供轉移公眾視線的「子彈」，「原本梁振英冇回應佔中公投同7.1遊行，泛民離場抗議，建制派、親政府傳媒好難負面抹黑；𠵱家佢一隻玻璃杯，咪畀梁振英同親政府傳媒轉移公眾視線機會，拎住嚟大做文章，變成有人喺議會內疑犯刑事罪，其他嘢就唔使做大」。
再看黃毓民之後還要大罵提問記者「注定做奴隸」，難怪有主流泛民笑言，對黃毓民來說，「香港人一係做奴隸，一係做佢教徒，冇第三樣揀」。
季陶