【本報訊】政府近年落辣招狂推地，但上車盤仍然高踞不下。遠東發展（035）主席邱達昌指現時港人上樓要因貨就價「住細樓」，明言「係咪要咁折墮呀？」
倡放寬按揭成數限制
他倡議政府放寬按揭成數限制，由現時樓價400萬元或以下，最多可借足九成，進一步增加至600萬元，令市民能夠真正安居。
近年樓價隨建築費飆升而難以回落，政府卻「偷換概念」建議地產商興建「蚊型樓」，變相壓縮上車負擔。不過邱達昌指，「政府話不如起200呎，老實講，真係有小小諷刺性……如果一個識諗嘅社會，係咪要人住200、300呎呢？」他認為政府現時應放寬按揭成數限制，由樓價400萬或以上最多可借九成，再放寬至600萬元，甚至是800萬元的樓，令上車客能夠買得起面積更大的樓。
對於放寬中價樓的按揭成數，會否擔心再令樓市被再次炒熱。邱達昌認為就算放寬限制，亦不等於上車「冇代價」，「600萬樓借九成都要60萬首期，一般大學生出嚟搵到份好工，兩公婆最少估計要捱五年，先有機會儲到嗰60萬……兩公婆捱五至六年可以買到affordable home（負擔得起的樓），好公平。」
作為行內人的他亦說得坦白，「地產商冇好人，個個都貪心。政府成日講，我平賣地畀你，你班地產商係咪會平賣出街呢？這是個很好的問題。」邱達昌相信只要市場有源源不絕的供應，在供需平衡的情況下，地產商自然願意以量換價，平賣「甩貨」，樓價亦難以被炒上。
要有足夠供應亦須政府積極推地配合，不過近期政府只着重重推流標地皮撐供應，或令全年住宅供應量目標難達。但邱達昌卻認為政府已做到盡，「已經冇好似以前咁收收埋埋，佢可以推出就推。」
對於下半年樓價走勢，邱達昌指細價樓樓價仍然難跌，「最近（樓價）停止上升，但最多人買仍是中價樓，證明香港中下價樓有好大support（支持）……短暫來說，細價樓會繼續熱鬧，因為冇貨。」