【亂噏24 第51集】新媒體發展潛力無限，藝人宣傳途徑不再局限於電視台。已離開無綫的港姐冠軍譚小環和楊思琦，也不愁沒出路，黎智英更鼓勵兩人拍片放上網宣傳自己。讀者可在 http://bit.ly/appletalk24重溫今集《亂噏24》。
撰文：馮國康
楊思琦作為單親媽媽，自然面對不少壓力，加上近日離開電視台，頓時失了一個依靠。但柳俊江認為這反而是思琦的另一契機，他說：「其實香港好多單親家庭，你嘅經歷可以鼓勵好多媽媽點樣去撐住自己頭家。你可以將呢種感覺，拍成短片同其他人分享。」話說回頭，近日發生不少倫常慘案，主要是大家缺少了一個正面學習對象，最終釀成悲劇，柳俊江認為思琦可以向市民灌輸正面意識，發放正能量。
窩心人肉鬧鐘
肥佬黎也鼓勵思琦拍一些與女兒的生活短片來宣傳自己，不過思琦似乎有所顧慮，她說：「但我唔想disclose我屋企出嚟。」肥佬黎認為只要有自信，甚麼也能克服：「對自己有信心，就唔使驚㗎。你咁勇敢，冇老公都可以生個女出嚟，你乜都唔使驚㗎啦，我覺得你好勇敢呀！」
柳俊江繼續游說思琦，他認為有時並不是要計較利益，反而是能否從中幫助到人，他說：「我哋做傳媒錢真係搵得唔多，但有時幫到人嗰種感覺好唔同。」快要做爸爸的柳俊江，對於思琦跟女兒的故事非常感興趣︰「我想知你同個女有冇啲片段，譬如個女點樣撐住你，你望住佢嘅時候，有冇一刻覺得好感動，有咗阿女就可以面對一切？」思琦說：「其實都好多好笑嘢，夜晚瞓覺好自然一齊瞓，起身佢會起得早過我，我就好爛瞓，要去到最後一刻先起身。佢起身之後，會走嚟床邊嗌『mama, wake up』，人肉鬧鐘真係好sweet、好窩心。」
柳俊江覺得小環自從賣魚蛋後，予人感覺多了一個層次，變得更立體，對此小環也認同：「我發覺以前行街，冇咁多人對住我笑，𠵱家佢哋係欣賞我多啲！佢哋接受我多過以前拍電視劇。」自力更生當然受人讚賞，肥佬黎看透世事︰「你以前做明星，雙眼發出嚟啲光，係暗光。𠵱家人開心咗，發出嚟嘅都係開心嘅光！」
既宣傳也互動
肥佬黎又即場醒條好橋給小環：「你將自己大汗叠細汗，做食物又好，入貨又好，用手機拍咗佢，再剪成100秒放喺我哋即時新聞。第一，係一個好好廣告；第二，你同顧客有互動，好似走出去同顧客握手一樣。」小環當堂茅塞頓開。
徐緣也認為這是好橋，利用自己知名度再透過互聯網跟顧客交流，是種極佳的營銷手法，內地有家燒餅店「黃太吉」就是以這種方法成功，他說：「啲人見到你好刻苦咁經營生意，睇到有血有肉嘅譚小環！」
做明星要懶神秘？親民先係王道！
http://bit.ly/talk245201
乜都要擺上網 多人like先有嘢講
http://bit.ly/talk245202
單親媽媽有賣點 思琦救港好正面！
http://bit.ly/talk245203
賣廣告唔使電視 手機拍片搞掂晒
http://bit.ly/talk245204
拍片上網拍乜好？出賣自己有著數！
http://bit.ly/talk245205
冇老公唔使怕 思琦有女就得喇！
http://bit.ly/talk245206
八婆角色唔易做 小環做自己最好
http://bit.ly/talk245207
親子時光要珍惜 父母最大動力
http://bit.ly/talk245208
撈唔掂先賣魚蛋？最緊要搵到餐晏！
http://bit.ly/talk245209
搶走修哥fight低羅蘭 邊個咁大膽？
http://bit.ly/talk245210