【拆局】
內地學生搶貴租？其實他們不知幾精，通常幾個夾份租屋住，以分擔租金，每人夾三、四千元，便可以享受有會所的新樓，平過住劏房。現時油尖旺區質素稍好的幾十呎劏房，月租也要四、五千元。
新落成有會所的私人屋苑，近年成為內地學生搶租對象。鄰近港鐵大圍站的名城，是內地學生租樓的其中一個熱點，租務成交暢旺。以名城一個實用800多方呎單位，月租約2.2萬元計算，三間房可以住6個人（或更多），每人夾約3,600元。
不過，有自稱曾出租單位予內地學生的網民，指「學生租客超污糟！話就話兩個人住，其實可能4至5人，住到間屋殘晒……」，甚至「試租過畀內地生，佢哋喺屋內隨地便便，以後唔租畀內地人」。
區內多名代理直言，部份單位的確畀內地生住到殘，現時不少業主寧願以較低的房租，租給本地家庭客，也不租給學生。有網民表示，「有得揀客的話，盡量唔好租畀學生，因為佢哋冇咩時間清潔間屋，住又唔會住得長，無謂貪多少少錢，寧願租畀家庭客有工人的比較好。起碼收番間屋嘅時候可以執少啲」。