薛凱琪（Fiona）昨日現身中環，出席Kate Spade時裝活動，她透露要為9月的演唱會取時裝經。問到Fiona會否在演唱會有性感造型演出，她表示：「我本身唔係行性感路線，適可而止，今次啲衫係Tomas Chan設計。」Fiona身形已十分纖瘦，故不用節食，不過近日排舞就跳到大腿有瘀痕，記者問她會否練馬甲線示人，她表示：「我唔刻意，但係有練腹部，希望大家入嚟係聽我唱歌同跳舞，有嘢可以畀大家睇，但唔希望大家為兩條線而嚟。」記者笑她有否第三條的事業線，她笑言：「我都冇。」
提到演唱會邀請嘉賓，她表示會請一同經歷的人現身，記者問到會否是房祖名，她表示：「上兩年請過，今年已經請咗佢嚟，未知rundown會唔會可以上台，不過佢答應咗唔使拍戲就嚟睇。」
採訪：羅慧敏
攝影：陳慧安