23個泛民主派議員一早夾好晒喺特首答問大會開始時，集體離場抗議。點解？特首狼振英漠視佔中全民投票同7.1遊行喎，唔畀啲顏色佢睇點得？之不過，衞生服務界李國麟同泛民一齊離場兼叫完口號「真普選、無篩選」之後，卻喺其他人拉隊走人之際，若無其事返回議事廳個位。坐喺佢附近嘅建制派議員都好詫異，細細聲問佢做乜留低？
八方事後都問番李國麟做乜walk out完又折返？佢話今次答問大會有機會發問，而業界人手不足嘅情況嚴重，所以示威完都想留低質問狼振英，但最後佢都係坐冷板凳，未輪到佢發言。而湯家驊就精神上支持泛民離場，肉體冇現身。