近日同GoGoVan創辦人Steven傾計，知道呢間本地薑已打入新加坡市場。只係營運一年，都未有收入，但市值已去到7位數美元。菲菲估計，銀碼背後最值錢嘅應該係大數據。
講big data一定要講Google。Google最近公佈每日利用Android機影嘅自拍有9,300萬張，普遍每人一日check手機150次。連咁嘅數都有統計，你都咪話呢位「隨身卧底」唔恐怖。話說菲菲去旅行訂酒店用Gmail登記，於是在出發前，Android電話會提你聽日出發，心底問，點解你會知？到機場後，佢又預備咗去酒店即時交通資料。然後旅途期間，只要開Google Now，貼心的Google即時提供附近餐廳、景點資料，仲話你聽邊度塞車！最驚訝係，返港後大半日，Google已整理好旅行的所有相，可以隨時上Google+睇story album。當Google做到所有人嘅全能秘書，你估佢到底掌握幾多資訊？如果有big data就有big money，相信Google潛力無限。
睇近嘅，上年出貨手機有79%都係行Android，Google Play每日收入1,200萬美元，按年增長2.4倍。於今年中低端手機上位情況下，Android一定係贏家。Google Glass已成為潮人指標，一推出不得了。睇遠啲，Google一早已試緊無人駕駛車，又涉足最搵錢醫療領域，長揸應該冇得輸。
Fifi
http://www.facebook.com/lovefrystock
本欄逢周二、四刊出