【壹週刊】已故大太子甘健成一方，在清盤案中敗訴，鏞記由甘琨禮掌舵。健成兩個仔亦有新開始，上星期，佢哋新鋪「甘牌燒鵝」喺灣仔軒尼斯道試業。呢間鋪主打燒鵝飯同滷味，一份套餐七十幾蚊。
鋪仔細細，坐得幾十人，位置亦唔算方便，但全部廚房師傅都是鏞記舊伙記，部分供應商亦同鏞記一樣。小宗睇過，發現唔少鏞記熟客都捧場，有熟客仲話：「終於搵番失去的燒鵝味﹗」老闆甘崇轅話，試業四日，反應好過預期，到下午三時燒鵝就售罄。七月二日佢哋會正式開業，而呢一日正是父親甘健成生忌，希望藉此悼念父親咁話！
iPhone版下載： http://goo.gl/NOVDXJ
Android版下載： http://goo.gl/tgTyGg