【壹週刊】外灘22號揸FIT 人李玉麟嘅上海屋企，好似東南亞度假屋，兩層三千呎嘅木屋被花花草草圍住，打開玻璃趟門仲會聽到流水聲。
李玉麟係上海多年，呢楝位於長寧區嘅別墅，就係佢嘅至愛。大屋玄關有水晶吊燈及歐式絲絨椅，配埋藍白色地氃、大紅色地氈，而係樓梯旁嘅拱形窗，甚有西班牙風情。
呢間屋以木為主，由地板到牆身、梯梯、傢俬都係用環保木，屋外有花園有流水，全部都係全自動灑水系統裝置。李玉麟覺得生活太緊張，希望將大自然風帶返屋企。個人就可以輕鬆啲！
至於一樓嘅三間房，天花全部造成尖頂形，再鋪上木條，恍如置身係東南亞度假屋一樣。而她最重要嘅浴室有就有成三百呎，全部用雲石建成，唔單止有浴缸，仲有蒸氣房，放工番嚟都可以RELAX 吓。
仍嘅睡房就以間紅色為主題，紅色代表熱情，最啱佢鍾意交朋友嘅個性。而囝囝間房一樣富有度假FEEL，套廚內嘅洗手盆整座係歐洲購入。呢間三千萬豪宅，似度假屋一樣返到嚟絕對可以放鬆心情，好好休息。
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android