隔牆有耳：
V煞偲嫣BB愛厚多士 - 李八方

早前因為絕食變咗V煞面嘅偲嫣BB，噚日重返政總紮營喇。但唔知係咪唔想再瘦落去，今次佢返政總唔再絕食，只係紮營抗議政總對佢不公。可能因為咁，佢率先去咗政總隔籬嘅立法會canteen醫肚；八方撞到佢嘅時候，只見佢緊貼熱潮食緊「厚多士」。

政總對佢有乜嘢不公呀？偲嫣BB即刻大控訴，話有乜嘢理由其他團體喺政總紮營就得，佢就唔得呢？佢話早前入院期間，政總啲人粒聲唔出收晒佢啲物資，所以噚日向政府追數攞番個營，但強調有幾張凳唔見咗囉。偲嫣BB仲幫政總外嘅公民廣場改名做「斯諾登廣場」，大讚斯諾登係揭露政府不公嘅人民英雄，愛國不等於愛政府囉！