甘崇軒、甘崇轅兩位鏞記第三代之所以自己以「甘」為名開店，緣於中環鏞記酒家幾年前爆出清盤風波，已故甘家長子甘健成一方敗訴，次子甘琨禮取得酒家話事權，甘健成一家前年底離開鏞記。年半過去，甘氏兩兄弟專登選擇噚日爸爸生忌為兩間新店開張。
呢個開張吉日又有一段小插曲，話說噚日有一間叫做嘉裕服務有限公司登報賀甘牌燒鵝開張，廣告底下有四句七言詩，就咁讀冇乜特別，但細心睇，每句開首嘅用字別出心裁，打直讀係「甘勝鏞記」，明眼人一睇就知道係向鏞記挑機。
華華噚日俾個廣告甘崇軒睇，佢一臉錯愕，大呼唔知情，仲爆出一句「乜咁有心呀！」佢指，登報嘅嘉裕（按公司註處資料，呢間公司嘅董事叫陳劍華）老闆係朋友，但係佢唔係經營飲食業。