星期一考完最後一科數學後，乜壓力都冇晒，終於可以全情投入世界盃，呢種感覺真係太爽。雖然呢兩日rest day一場波都冇得睇，但對於熱衷足球嘅我一啲都冇影響。
近期睇世界盃啲球星踢到識飛咁，睇到啲人嘩嘩叫，餓咗波咁耐嘅我就梗係約埋啲friend去開波啦！見到尼馬、C朗玩花式，玩到啲對手吊吊揈，自己都想學番一招半式，喺比賽有得用吓嘛。而我隔咗成兩個幾星期冇踢波真係唔慣，溫書、考試仲要睇世界盃，惟有唔踢住囉！所以呢兩日正好畀我去止吓腳痕，可以同朋友踢個夠本真係超爽、超暢快，我已經準備好過番個充實嘅暑假，就係日日踢波，正啊！
至於前日7.1，唔知大家有冇上街呢？可能有啲人認為就算你上街（圖），政府都唔會聽你講啦！但我就認為明知件事係啱嘅，就應該大膽去做，堅持信念，付諸實行，踢波都係一樣，好似埋門進攻咁，你唔放膽去射，根本唔會有入波嘅機會，雖然你射咗嗰腳波未必入，但最終結果真係要試咗至知，正所謂「without risk, there is no victory」，總之做咗你起碼唔會後悔先啦！
文：許家樂
識睇 一定睇蘋果嘅足動世盃：
http://worldcup2014.appledaily.com/