【深圳直擊】徐濠縈跑步跑上癮，除贏得「肯雅徐」之名，更將正能量付諸行善，本周六（5日）她將會與Night Runners隊友如商台DJ Donald、Wing及蘇凱男教練再出征到內蒙古大草原，為微笑行動中國基金跑半馬籌款。
阿徐昨日帶同囡囡康堤到深圳醫院，探訪唇齶裂患病童，送上公仔及朱古力慰問支持，阿徐說：「佢（康堤）以為自己普通話可以大派用場同佢哋玩，嚟到先知小朋友好細個，冇得同佢哋玩，今日畀佢見吓世面，畀佢接觸吓唔係熟悉環境嘅圈子嘅人同事。」
阿徐透露今次目標希望籌到20萬善款：「𠵱家我日日都好似睇股市，上網頁check住善款數字，暫時有11萬幾，會繼續呼籲朋友捐錢，自己選擇同微笑行動合作，因為自己都做人媽咪，見到係幫小朋友，感受會強大啲。」
Eason霆鋒俾馬騮圍
阿徐在場與不少病童接觸傾談：「啲家長好正面，好全心全意湊佢哋，知道有啲小朋友會唔正面，冇自信心變得倔強，要用多啲耐性幫佢打開心靈。」問到阿徐會否挑戰個人最佳時間，她表示：「今次會參加半馬，大家都計劃一齊衝線，享受吓大草原睇吓動物，輕鬆咁跑，唔會在意挑戰時間，享受番件事，之後會去北京啲醫院探吓啲病童，希望了解多啲佢哋。」
此外，陳奕迅（Eason）前日就孖住好友謝霆鋒，到旺角拍攝霆鋒主持的飲食節目《12道鋒味》後，再帶同內地演員白冰到馬騮山燒烤，帶齊食物撞正馬騮圍觀覓食，二人與馬騮對峙，最終失敗被「搶劫」。
採訪、攝影：唐如
