FC多倫多近仗經常能保不敗之餘，更有前鋒迪科爾腳風順，在周三的美職聯到訪芝加哥火燄時，適逢火燄又近況麻麻；「讓球」多倫多受讓平/半，下盤可取。
FC多倫多雖然有中場米高巴特利要為美國國家隊出戰世盃而無法為球會候命，但幸好其餘主力如中場莊拿芬奧蘇里奧及奧杜奴等都可以上陣，加上英格蘭前鋒迪科爾（圖）腳風又順，近4場共入了4球，今訪火燄時料會續夥拍同樣曾在英超搵食的前鋒勞基摩亞，不難攻破火燄大門。
芝加哥火燄近6次迎多倫多雖然共獲得4勝2和，但球隊近況麻麻，近6仗僅1勝，就算攻擊球員馬基已於周一復操，但另一前鋒柏德列尼雅高及中場賓治祖耶均因傷缺陣，今役又要讓波，不宜過份高估。
地震無懼芝華士
至於同日聖荷西地震迎美國芝華士的聯賽，地震雖然續缺美國國腳前鋒雲度路斯基，但洪都拉斯國腳後衞貝拿迪斯已歸隊，料可以候命，加上芝華士又近6仗僅1勝兼攻勢太集中在前鋒艾歷托利斯身上；地震讓半/一，捧上盤相信起碼執半個盤。文：吾中
識睇 一定睇蘋果嘅足動世盃：
http://worldcup2014.appledaily.com/