被指是維穩騷的《香港巨蛋音樂節》昨日第二年在舊啟德機場跑道舉行，港星為表「清白」今年全數拒絕演出，只有韓星撐場，包括SJ-M的Henry、女子組合f(x)、孖仔組合Tasty、EXO-K、BoA、ToHeart及INFINITE，不過昨日安排一如去年般混亂，有排了幾晚通宵的觀眾投訴大會先讓坐旅遊巴到場的觀眾打尖入場，入場觀眾不能帶乾糧及水，在33度高溫暴曬加淋雨下如同收買人命，大會就公佈22,000人中有100人不適，更不乏有人當場暈倒。
掉觀眾私人物品
維穩騷約於下午2時半開始，比原定遲了半小時，等了又等的歌迷已經不耐煩，司儀李浩林出來說要再等五分鐘時即被勁噓，不少買了門票入場的觀眾，分別在網上及致電本報投訴大會安排失當。
一位袁先生怒斥主辦單位：「我哋排咗幾晚通宵，佢哋就用旅遊車一架架咁車人入場，咁同打尖有乜分別，最離譜係連乾糧同水都唔畀人帶。」
有網友在社交平台留言狂鬧，入場時保安搜查隨身物品時，見到認為是違禁品的便直接丟入垃圾桶：「我們的東西比你的維穩show更有價值。」
關於入場觀眾投訴，負責公關發言人吳小姐回應說：「其實我哋從來唔鼓勵大家通宵排隊，因為大會有足夠接駁車接載歌迷入場，至於唔可以帶食物、水同錄像機，我哋已經喺唔同渠道發放咗呢個消息，因為每人入場會派一支水，場內又有小食亭，唔可以攞相機入場呢個講法就覺得怪，因為今日場內大部份歌迷都攞住相機。」
採訪：盧妹
攝影：仇志德