東亞（023）有位樣貌酷似歌手梁詠琪（GiGi）嘅分行經理。話說早兩日東亞位於銅鑼灣時代廣場嘅一間智能數碼分行開幕，地方細細竟然搵到一班董事畀面到賀，除咗主席李國寶、太子爺李民橋之外、獨董羅友禮同張建標都有現身。
而喺呢班男人當中，就有一位相當省鏡嘅靚女，佢仲要企喺李國寶旁邊，驟眼睇以為東亞請嚟邊位藝人以行政人員look出現幫手剪綵，睇真啲，其實佢係分行經理Abby，難怪旁邊嘅張建標都望多兩眼。
東亞近年積極推動年輕化，早前喺中環IFC開一間智能數碼分行，𠵱家再搵一名靚女經理坐鎮銅鑼灣呢個年輕人熱點，真係唔打得都睇得。