【7.1大遊行】
【本報訊】中央及特區政府踐踏人權自由，破壞法治，立法會淪陷，沉默的大多數經常被「老屈」成支持政府。昨日他們不再躲於安逸生活，不論孕婦、中學生、空姐、會計師及銀行職員，回歸17年來首次昂然踏進維園，經歷人生首個7.1遊行；連一向政治冷感的港女，也不想被內地同化，以腳步及汗水捍衞我城。
記者：陳沛冰 王家文 袁樂婷
「以前行唔行都有進度（爭取普選），𠵱家先覺得佢唔想畀真普選你」，懷孕七個月的布太說，因此激發她與丈夫首次參加遊行，希望政府聽到市民不但要真普選，還要雙普選的訴求，才能平衡及監察議會，「多得吳亮星提醒，佢係曲線民主黨」。
布太連續三個周五均到立法會外，參加反對發展新界東北集會，她直言整個討論涉及政府、立法會議員及地產商利益輸送，擔心中港融合，及破壞新界東北珍貴資源，將來受內地掣肘更嚴重。
「唔再行出嚟 會被大陸同化」
布太擔心香港人權自由會不斷被收窄，「趁仲有機會行就行，或者遲啲冇得行」。她與丈夫分別從事銀行及資訊科技，當記者問兩人是否要走出安穩生活，不能再只顧自己，布先生也急急點頭。
97年出生的數名慈幼英文學校中五生，今年已17歲，昨日一同踏進維園，經歷人生首次7.1遊行。伍同學表示，是立法會財委會主席吳亮星強行通過新界東北發展前期撥款，把他「激出來」，「以前唔出嚟，因為對政治冇關注，但見到吳亮星咁樣，好嬲！」
伍同學表明不支持新界東北發展，「區內私樓同公屋比例有問題，應起多啲公屋，唔係起私樓賣畀啲大陸人」。他支持學民思潮的普選方案，拒絕篩選。
任職銷售員的李小姐昨獻出人生第一次上街，因為「頂唔順」特區政府，「我係一個對政治冷感嘅港女，但香港自由越嚟越收窄，政府越嚟越假」。她連珠炮轟政府施政失當，由去年免費電視發牌不公，「剝奪我哋香港人嘅選擇」，到今年強行發展新界東北，「唔係畀香港人住，係畀大陸人住」。白皮書更踐踏香港的自由，「政府完全漠視民意，唔可以唔出聲」。
沒選擇、沒自由，李小姐直言香港人氣憤了，「完全係一面倒，強姦民意。我哋唔再行出嚟，就會被大陸同化。我哋下一代連六四真相係點，亦冇辦法知道」。她說不能再沉默，「我哋一定上街話畀政府聽，我哋一定要真普選」。
四大會計師行早前發表反對佔中的聲明，任職四大的陳小姐直言公司無權要他們噤聲，「公司嘅聲明真係唔代表我哋嘅立場」。首次參與7.1遊行的陳小姐說，同樣是上周五吳亮星強行通過新界東北前期撥款令她最氣憤，「令到我覺得一定一定要走出嚟，佢夾硬通過，咁香港冇法治啦」。她指不單廿三條，日後任何政策建制派也可為所欲為，「香港20年都未到已經變成咁樣，已經唔係我認識嘅香港」。
21歲空姐蔡小姐昨日趁不用當值，首次到維園參加7.1遊行，「今日唔出嚟，遲啲出唔到嚟！香港就嚟俾中國完全侵佔，白皮書違反一國兩制原則」。她表明要爭取真普選，不接受篩選，在佔中公投選擇真普聯方案。
中產的銀行職員吳小姐，不屑特首梁振英用人唯親，「好多政策係迎合內地，新界東北話有商有量，但根本冇同市民溝通」。她擔心內地繼續控制香港輿論及法治，故要用腳向政府說不。
【7.1上街 學界佔中】YouTube收看蘋果動直播：
http://bit.ly/71march