【本報訊】被喻為新界最後「上車樂園」的天水圍嘉湖山莊，一周內錄得兩次升穿實用呎價7,000元成交，樂湖居一個低層兩房戶，實用面積448方呎，新近以320萬元易手，較兩間銀行估價高出20%，單位竟在5年內升1.5倍。樓市再轉熱，連帶年初看淡樓市的中原地產創辦人施永青也對樓市睇法作出修訂，指「樂觀情緒會返來」。
細價樓繼續瘋癲，即使銀行估唔足價，買家照去馬。
成交較估價高兩成
祥益地產蕭嘉偉表示，嘉湖山莊樂湖居4座低層E室，建築面積586方呎，實用面積448方呎，兩房戶，業主放盤4日，昨第一台客睇樓，即還價310萬元，惟業主鐵價不議，最終以320萬元成交，實呎7,143元，呎價再穿7,000元。
根據中銀網上物業估價系統，上述單位估價為274萬元，成交價較估價高約16.8%。恒生銀行網上估價，該單位估值267萬元，成交價高出估價20%。原業主09年以128萬元買入，持貨4年多，賬面賺192萬元外，5年內急速升值約1.5倍。
上星期景湖居12座高層E室，實用441方呎，以約318萬元易手，實呎7,211元，創97年後分層戶呎價新高，豈料屋苑周內兩度錄破7,000元成交。
施永青：樂觀情緒返來
施永青今年初曾預期，本港整體樓價全年跌5至10%，豪宅跌15至20%，但面對近期細價樓持續創新高成交，他表示：「近期我作咗啲修正，中小型住宅繼續升嘅機會好高，樂觀情緒會返來，會旺一排，估計持續至9月……造成呢啲情況，同辣招有關，因為辣招搞到啲盤冇晒，𠵱家啲盤都係業主住緊或收緊租，叫價企得好硬，結果用家高價接貨」。辣招打擊需求，亦打擊二手供應，第三季中小住宅「分分鐘升凸」!
他強調只是修訂一些睇法，並非轉軚，由睇跌變睇升。整體樓市仍受外圍因素影響，細價樓未必會跌，反而會升。
【7.1上街】自己政府自己揀，直播7.1大遊行:
http://71.appledaily.com/