【本報訊】社民連秘書長陳德章（圖）去年向特首梁振英掟蛋，誤中財政司司長曾俊華，上月被落案起訴。他指香港主流社會以結果為先，但03年7.1改變了他，「大家冇諗過會推倒廿三條，啱就要去做。是非應該優於成敗」。
「用一切可行方法抗爭」
陳德章在華盛頓大學政治系畢業，教授除了講述馬丁路德金的非暴力公民抗命，還講解黑豹黨、Weatherman等暴力抗爭成果，「應該用一切可行方法抗爭，而唔係用和平理性非暴力框住自己」。他向梁振英掟蛋，旨在沿用國際傳統方式羞辱當權者。他不求脫罪或輕判，只想在法庭宣讀掟蛋原因：「曾俊華、梁振英坐擁政府資源出賣香港，先係大暴力。好多老人家輪候唔到院舍床位死咗，其實可以用錢解決，呢啲係人命，我掟隻雞蛋最多咪痛幾分鐘。」
陳德章記得，在論壇掟蛋後，一名大叔即把他大力推向牆邊用粗口問候。他其後到警署報到，才發現大叔是重案組頭目，在論壇卻沒出示委任證。
前年胡錦濤訪港，陳德章爬上山坡展示平反六四標語，被控違反交通條例，在庭上踢爆警員夾口供，裁判官仍然判他罪成。
面對種種制度暴力，他呼籲群眾7.1上街，道德譴責梁政府，「如果信念夠強，唔會行咗嗰區區十年就灰心」。
【7.1上街】自己政府自己揀，直播7.1大遊行:
http://71.appledaily.com/