【特稿】
連續5年榮獲米芝蓮一星餐廳的阿鴻小吃，其位於北角的發迹地舖位8月結業。舖位月租由3.5萬元加至5.6萬元，租金加幅約60%。人稱「鴻哥」的創辦人黎偉鴻坦言：「加租唔係咁緊要，呢個價我哋都接受到」。主要因為是舖位細、請人難，現正物色1,500方呎大舖，希望有日重返北角。
北角發迹舖8月結業
北角和富道84至94A號銀輝大廈地下4號舖，建築面積約800方呎，過去十年一直由阿鴻小吃承租，目前月租3.5萬元，下月租約期滿，將結束營業。該店多年來為了騰出人手及時間炮製滷味，均於周一及周二休店，但因快將結業，故這些日子已讓各界好友包場搞聯歡晚宴道別。消息稱，舖位已由另一間食肆承租，月租5.6萬元，呎租70元，租金加幅約60%。
黎偉鴻接受本報訪問表示：「最主要原因係舖位太細，且客人要等好耐，成日都要排成個鐘，好似周日咁，8點鐘已經賣到冇晒嘢。要我哋預多啲？廚房太細，負荷唔到」。
他坦言：「我目標是至少1,500呎舖位，目標亦有好多。我一話北角店唔做，區內好多業主話可以用優惠價租畀我，有業主年幾前話留個位畀我，邊度就唔講，係新興建嘅酒店，佢話：『你唔好搬住，捱多幾年，我酒店落成，可以優惠條件畀你！』」
不過黎偉鴻大嘆請人難，「要開多幾間分店，容乜易啫！我亦唔係唔想做，但要有品質保證、請到人（廚師）做先得㗎。𠵱家我已着力培育緊幾個新人……到合適的時候，希望可以在不久將來重返北角啦！」目前該店尚餘觀塘及機場兩間分店。
【7.1上街】自己政府自己揀，直播7.1大遊行:
http://71.appledaily.com/