想由包包面變V煞面，唔使用劍嘅，學鍾一憲就得啦！
吓？鍾一憲喎，男仔都有得V煞面架咩？邊個話淨係女仔先想有刀削面0架，你睇下，除咗「削骨還父」胡鴻鈞外，鍾一憲個V面都唔惹少，佢立即變尖亦得，得咗！
三年前，同麥貝夷勾手指尾嗰陣，鍾一憲對眼仲好細，塊面仲係包包哋，鼻翼仲幾闊添.....闊別三年，2014年版嘅鍾一憲已經...已經唔同哂啦！眼大咗、鼻高咗、重點係腮骨都唔﹗見﹗咗﹗
噚日有雜誌話，因為「大名娛樂」唔同佢續約，之後佢北上拍咗廣東電視台喜劇《仔大仔世界》，仲做埋男主角添！
嚟緊佢會同幾個香港男仔去韓國做組合喎，之後又再回流返香港出寫真同拍MV，所以就要變身做泡菜仔，吸多啲妹豬粉絲....同埋金囉！
以前就唱「尖...尖尖尖」，0依家可以改唱「V....VVV」囉﹗
睇睇下，其實都唔知呢個係咪真係鍾一憲嚟.....大家自己睇相認人啦！
昨午鍾一憲又Update微博，佢貼咗張更尖更削嘅照片，並留言：「休息了一天好多了，今天拍外景，好熱的天氣，我拍完這張照片，怎麼就感覺好像沒頭髮一樣，It looks like I have no hair in this photo」
【7.1上街】 自己政府自己揀，直播7.1大遊行:
http://71.appledaily.com/