【壹週刊】凶宅大王伍冠流有幾鍾意踩單輪單車﹖睇佢尋日踩住單輪入沙田第一城，收回剛滿租約嘅凶宅單位就知。大膽嘅佢仲話：「有鬼最好俾我見吓，等我知道鬼係點㗎嘛！」
原來佢廿一年前第一次接觸凶宅，就喺自己層樓，「當時我準備移民，搵工人裝修單位再放盤，點知有日落雨，咁啱屋企地下有水，咁啱工人對水靴又入水，再咁啱漏電，結果……如果是但一樣唔發生，就唔會出事。」不過後來佢發現，只要等幾個月，件事丟淡咗，樓價就唔使折讓好多。
雖然係凶宅大王，但佢都有唔願買嘅凶宅，「他殺嗰啲唔係咁好，唔係自願㗎嘛。」至於佢「最鍾意」嘅凶宅就係跳樓，「可以拗話個人喺單位時仲在生嘛，燒炭亦比較好，吊頸嘅會死得比較辛苦啲。」基督教徒果然係百無禁忌啲呀。
iPhone版下載： http://goo.gl/1SDaWF
Android版下載： http://goo.gl/xfQS8D