梁粉馮紹波營辦嘅《經濟日報》上周四晚突抽起和平佔中呼籲市民投票嘅廣告，話佔中運動違法，此舉令「公信第一」嘅《經濟日報》，與《大公報》、《文匯報》、《星島日報》同登「新四大左報」之列。記者拒絕染紅，噚日有人喺fb整個黑底白字的圖案，寫住「你老闆 抽佔中廣告，不代表我們的立場」（圖），下款為「一群愛香港的財經報員工」，好多人睇到。雖然冇寫上款係畀邊個，但八方同啲行家都心領神會。
係咪覺得個圖案好熟呢？四大會計師行德勤、羅兵咸永道、安永及畢馬威上周五登廣告反佔中，「一群愛香港的Big4員工」噚日刊登寫住「你老闆 的聲明，不代表我的立場」廣告還擊，表明不被公司騎劫。