【壹週刊】蕭正楠高調同新歡黃翠如出雙入對，而被爆拜金女嘅何傲芝，負面新聞源源不絕，死忍唔反擊，原來就係怕株連仲喺大台嘅妹何傲兒，谷埋成肚氣，仲搞到瘦咗廿磅。
男友被人撬走，GiGi何傲芝一直都冇乜點回應反擊，只係留咗句「邪不能勝正」，有人問佢咩意思，佢都係話睇完節目有感而發。其實佢唔再為呢段情發言，都係怕個妹會備受牽連，佢自己因呢件事已冇得續約，佢唔想連個妹都影響埋，所以實行咩都唔講。
見到前度高調拖新女友，又被爆拜金，GiGi真係有苦自己知，如果自己係拜金，就唔會同蕭正楠一齊咁多年，但係呢個時候講咩都冇用，佢只好忍忍忍。
最慘係佢仲未放低呢段感情，加埋日谷夜谷搞到成肚氣，佢瘦咗成廿磅。以前成120磅嘅佢成日嗌減肥，而家一鋪減剩百零磅。
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android