【本報訊】註冊社工周振宇從未試過示威衝擊，6.13東北集會當晚，他以議員助理身份在示威區管理物資、看管失物，臨尾嗌咪喊了兩句「我愛我家」口號，就被便衣拘捕，捉上警車毆打。他其後回到立法會上班，更被行管會列入黑名單，禁止進入會議廳樓層工作。極權已經露出兇相，市民不能再等，他呼籲市民7.1站出來，爭取以公民提名改變制度，否則他朝君體也相同。
周振宇以往參加七一遊行，不時遇上警方無理封路，但印象尚算正面。6.13當晚他在警車被迫垂下頭，遭警員掌摑、打心口，聽到車內其他示威者被毆的呯嘭聲，他唯一能做的，就是在驚恐中盡量記住細節。送抵警署，警員證實他是社工，就變臉安慰他：「我都知你係無辜，俾人利用。」周振宇更加氣憤，「貓哭老鼠。警察唔係撲滅罪案，𠵱家好似中國公安濫用私刑」。
「成個制度令警權過大」
警員以非法集會之名拘捕他，回到警署又改口稱他是妨礙立法會人員執行職務，周更覺荒謬，「我就係做緊職務，警察拉我反而係阻我做嘢」。然而他從未後悔當上議員助理或參與6.13集會，「錯不在我，只係成個制度令警權過大。呢啲冇得避，要嚟始終要嚟」。
厄運來得太快，周振宇睡不好、發噩夢，經常疑神疑鬼，生怕身邊途人是便衣，正排期看心理醫生，「冇辦法（克服），等時間過」。有其他被毆的議員助理，出事後連立法會也不敢回。
周打算追究警員，雖不期望警方認真徹查，但盼引起市民關注，長遠爭取警車安裝閉路電視。他認為，7.1上街爭取公民提名，才能根治警權問題，「政府唔係市民選，極權特徵就慢慢出現。爭取好難成功，唔做只會越來越差。想像唔到會衰到咩程度，可能日後俾差佬打嘅，係其他人嘅仔女」。
周振宇一直安於擔當支援者，從沒想過當社運領袖。今次遭遇，並沒令他更激進或懼怕，但爭取公義的信念更強，「我唔認同撬門撞門，相信村民同市民都唔想。如果政府聽民意，市民根本唔需要用暴力表達」。
【7.1上街】自己政府自己揀，直播7.1大遊行:
http://71.appledaily.com/