白皮書可以無理曲解一國兩制、吳亮星可以粗暴通過新界東北撥款、連家事也管不好的梁振英可以管治香港時，香港人還可以裝聾作啞乍看不見嗎？藝人就算要北上搵食，在大是大非前也不能埋沒公義良知，就如黃耀明、何韻詩已表明今日參加7.1遊行向拙劣政府表達不滿；歐錦棠則推掉工作加入遊行大隊；連遊行稀客譚小環都要呼籲市民上街，為的就是要捍衞港人的僅有尊嚴。
香港高度自治被白皮書狠狠踐踏，一國兩制變得蕩然無存，更甚是特首不是我們選出來的！當然，你可以對政治漠不關心，可以跟梁振英說聲「加油」，可以高唱維穩歌，但同時亦可選擇7.1走上街向政府表達不滿。
「港人活得唔開心」
面對近日一連串的荒謬政治環境，演藝界也按捺不住要發聲反撲，連遊行稀客港姐冠軍譚小環，今日誓追隨保險才俊老公蔡強榮拍拖遊行。蔡強榮昨日指小環早年政治冷感，他在電話中說：「佢之前冇咁熱血，佢最關心經濟，佢覺得經濟好，民生就好。但近年見到香港咁多事發生，親眼睇、親耳聽，佢對政治睇法都改變咗，覺得作為土生土長香港人，真係要做番啲嘢。」到底70後的小環又有甚麼訴求？小環說：「近日眼見好多新聞，我發現呢幾年香港人生活唔係活得咁開心，我覺得係時候要團結起嚟做番啲嘢。我留意到近年市民福利、醫療、樓價同小朋友教育方面，喺唔公平嘅情況下，出現咗好多問題，作為香港市民，我要出一分力去參與、去表態，可能影響力好細，但我哋都叫做咗本份，做番自己。」小環亦不忘呼籲市民齊齊參加。
早前帶頭獻唱《問誰未發聲》、又以故事暗諷白皮書等同「強姦」的黃秋生，今日因要開工，被迫缺席遊行，但已經委派了代表出席，他昨日在電話中說：「我15歲個細仔Ulysses會去，佢同啲同學仔去。我當然都支持，訴求咪普選囉。囝囝都係呢類啦，未必係公民意識，你見到吳亮星咁樣通過法案，你都知佢癲啦，你知邊個人癲唔使好多學識，正常人都知。」
至於近年積極參與社會運動的黃耀明和何韻詩，亦已透過公司回覆表示今日會出席遊行。明哥在facebook以他的歌曲《太平山下》歌詞留言，預先為遊行壯行色，阿詩則在facebook轉發大愛同盟對遊行的相關訊息，相信她屆時會為同志平權發聲。
歐錦棠忍無可忍
為公義發聲的歐錦棠今日會加入遊行行列，他昨在電話中說：「忍無可忍，對𠵱家個政府仲有乜可以講？本來有啲政策處理好啲可以熄火，但官員就搞到火上加油，亂七八糟。」他力斥政府衰弱，認為市民不可輕視團結發聲：「睇少呢份力量，香港就冇㗎喇，89年有100萬人上街，聽日希望可以行出紀錄，向政府說不。」阿棠呼籲今日遊行後出席佔中活動的人士務必要冷靜，他說：「冷靜理智表達訴求，道理就喺你嗰邊。」
採訪：陳杰
【7.1上街】自己政府自己揀，直播7.1大遊行:
http://71.appledaily.com/