謝婷婷去年5月與拍拖五年的安志杰分手後，火速戀上名媛李桂蘭兒子戴尚安（Sean），二人去年10月於南非工作日久生情，之後婷婷一直以了解中、一齊好開心來護愛苗，之後他們被爆同居，又一起旅行兼工作，戀情逐漸浮面。
昨日有報道指拍拖僅八個月的婷婷和Sean，將於聖誕節結婚，記者分別致電婷婷與Sean，Sean透過短訊回應：「目前我們還未有結婚計劃，謝謝！」問到是否正與婷婷同居？他直認說：「我們很享受一起交往的日子，現時住在一起。」婷婷則透過助手否認結婚。
「冇見成個月」
婷婷與Sean早已見過對方家長，婷婷更曾表示父母謝賢（四哥）與狄波拉對Sean大有好感，尤其父親對男友印象相當好，對於女兒年底披嫁衣，四哥昨日在電話中說：「係咩？係咪真㗎？我唔知，我冇見婷婷成個月。」
四哥並不心急把婷婷嫁出去，但他覺得女大女世界，他說：「開心梗開心，有人要，嫁唔出就弊。阿爸𠵱家唔做媒人，你估舊陣時咩。」他又謂只要婷婷揀到Mr. Right，他都一定尊重愛女意見：「總之佢鍾意邊個就邊個，最緊要佢幸福。」
霆鋒：佢冇講
婷婷胞兄霆鋒昨日在電話中回應說：「真係未見過佢（Sean），都唔熟識，亦都冇聽過呢件事。」問他是否因為與婷婷前男友安志杰相熟，故婷婷不在他面前提新歡？霆鋒笑說：「我點知佢點解唔同我講係乜嘢原因，總之我冇問，佢又冇講囉。不過，傳聞係真係假都冇人知啦！唓！」
採訪：劉敏、小米
【7.1上街】 自己政府自己揀，直播7.1大遊行:
http://71.appledaily.com/