股民鍾情概念股，除咗國策同埋環保呢啲大主題之外，近年仲有「民企之父」張化橋概念股，事關近年張化橋話去邊間公司，嗰間公司嘅股價都有異動。呢輪多隻新股招股，張化橋就做咗綠葉製藥（2186）同埋依波路（1856）呢兩隻新股嘅獨董，唔知張化橋效應去唔去到新股度嘞。
睇番張化橋概念股走勢，佢舊年底話做中盈國金資源（766）企業管理顧問，中午消息一出，隻股即日最多彈升42%。
今年3月，奧思知（8325）宣佈做非執董年幾有嘅張化橋轉任主席，股價即日又一度大升17%。
張化橋嘅大名唔止識托高股價，當年佢宣佈唔做民生國際（938）行政總裁，亦拖低民生股價一成。
呢排多隻新股趕住喺6月底埋數前招股，避免要更新財務報表，花錢之餘仲可能拖遲上市進度，可惜呢期唔少新股掛牌後表現乏善足陣，投資者都係睇清楚比較好。
【7.1上街】 自己政府自己揀，直播7.1大遊行:
http://71.appledaily.com/