騰訊（700）上星期宣佈斥資7.36億美元（約57.4億港元），入股喺美國紐交所掛牌、內地最大網上廣告分類平台58同城（58.com）約兩成股權，合作發展電子商務O2O（線上到線下）業務。原來呢單刁算係雙方閃婚，58同城行政總裁姚勁波透露，只係傾咗10日就拍板。
眾所周知，馬化騰嘅騰訊一路跟馬雲嘅阿里巴巴較勁，各自不停進行收購，利用各類平台同本身業務增加協同效應。姚勁波接受內地傳媒訪問時就強調，接受騰訊注資入股，唔等於公司只係同騰訊合作，未來58同城會繼續以開放態度，加強同BAT（百度、阿里、騰訊嘅英文簡稱）咁話。
佢又話，騰訊入股後屬於第二大股東，佢同管理層依然係第一大股東；而騰訊作為58同城嘅機構投資者之一，唔會干預公司嘅戰略決策，雙方既有合作，但係佢哋會堅持獨立發展。
【7.1上街】 自己政府自己揀，直播7.1大遊行:
http://71.appledaily.com/