【6.20-6.29】投票
梁振英政府及建制派議員漠視民意，粗暴通過新界東北工程前期撥款。新界東北村民的家園隨時被推土機夷為平地，有村民趁最後一日佔中全民投票親身到票站投票，用行動譴責財委會主席吳亮星可恥。在全港各票站也有不少市民不忿吳亮星強行通過撥款，直斥吳混賬，「讓全世界看到他的窩囊」，誓要與村民並肩，一同守護東北和香港。
記者：譚靜雯 許偉賢 彭美芳
和平佔中舉行的全民投票昨踏入最後一天，粉嶺聯和墟的聖若瑟堂是其中一個新增票站。上周五東北撥款遭強橫手段通過，受影響的新界東北村民區伯伯年屆70歲，在烈日當空下仍專程踩單車到粉嶺票站投票。他直斥吳亮星可恥、無理，「發言都唔俾人發，叫做乜立法會！」批評吳無資格當主席，「立法會係講民主、講法律嘅地方，佢一啲水平都冇，夾硬嚟，又用強權阻人發言，肯定係唔啱啦！」
「唔知幾時嚟拆我間屋」
區伯伯稱很喜歡鄉郊生活，立法會通過撥款，其家園隨時被毀，「𠵱家日日都提心吊膽，驚到晚晚都瞓唔到，唔知幾時會嚟拆我屋」。他稱原無計劃投票，但吳亮星激發他走出鄉村，用行動向強權說不，「我諗住爭取唔到，都唔諗住投，但周融話全民投票弄虛作假、吳亮星咁樣真係激到我好嬲，好反感，我就嚟投票」。
撥款通過當晚，吳亮星需大批保安護送，更半跑入立法會升降機逃走，拒答記者任何提問。居於粉嶺的馬太不忿吳的行為如「喪家犬」，「佢如果覺得自己冇錯就唔使走佬啦，咁樣仲唔係身有屎！」她直言吳亮星「拆人哋間屋」，竟在議會內匆匆表決，令人好憤怒。馬太又坦言，原本無計劃投票，但現時的環境好危險，誓要出來表達不滿。她自2003年7.1後就無再上街，今年一定會上街。
林慧思老師爸爸林森成昨也稱，吳亮星的行為令人好反感，已經激發了很多香港人出來投票。他指出，新界東北發展區明顯要興建中港融合城，「係一個好重要嘅邊界，根本唔可以咁倉卒決定」。他又批評吳亮星明顯偏幫建制派，「平時其他議案都會等建制派返埋位先表決，今次就趁泛民唔喺位表決，根本唔合理！」
市民龔先生昨在理大票站投票。他形容上周五的財委會混賬，吳亮星讓全世界看到他的窩囊，也揭示立法會建制派議員的無能，「根本係個投票機器，冇諗過要同你討論，鍾樹根嗰啲，你叫佢講根本都唔識講」。大學畢業生彭小姐就於天水圍票站投票，她表示投票是要表達對政府不滿，也支持和平佔中。她同樣以財務委員會粗暴通過新界東北發展計劃的撥款為例，批評梁振英政府違背市民意願。
【7.1上街】 自己政府自己揀，直播7.1大遊行:
http://71.appledaily.com/