「吹水CY，梁粉拜拜」，如果7.1攞住寫有呢隻字嘅風扇（圖），相信大家一定透心涼。公民黨都想幫大家降溫㗎，今年7.1諗住整呢批「享受涼風，拒絕梁瘋」嘅閃字電風扇，點知呢批喺大陸製造嘅貨品，日前喺運送香港期間遭內地當局「臨檢抽查」後充公，原因係啲閃字內容涉敏感宣傳喎！據知公民黨呢次損失約5,000幾蚊，好在佢哋7.1遊行當日仲有「遮風擋雨精靈球雨衣」賣，攤檔唔會空溜溜。民主黨就繼續搞擅長嘅摺紙系列，7.1喺街站免費大派「CY搬龍門」嘅射龍門摺紙模型，同時派埋寫有「普選GO，篩選NO」以及「689，快啲走」嘅紙扇。
【7.1上街】 自己政府自己揀，直播7.1大遊行:
http://71.appledaily.com/