江若琳同寰宇老闆林小明嘅合約糾紛仲未解決，江若琳堅稱上月2日同寰宇10年死約已完結，但林小明就話佢仲有5年生約，各持己見。
「公義不能扭曲」
呢排本來有廣告商同電影公司搵江若琳開工，但廣告商都怕佢要打官司而打退堂鼓，令江若琳見財化水，復出無期。
面對前途，加上呢排政治立立亂，江若琳前日喺facebook有感而發：「我們不是生於漫天烽火的年代，卻一樣風雨飄搖。今天，你可以違反誠信、出賣、背叛所有人，惟『是非之心人皆有之』，你遺忘了你的良知、良能也好，我相信公義是不可能扭曲的！」壓力甚大嘅佢噚日凌晨貼咗倒頭大睡床照又留言：「好像只有這段時間我的呼吸才是自由的。」
馮仁昭聽聞江若琳日內要為合約糾紛出庭，佢噚日喺電話講：「官司我交咗畀律師處理，我位置好被動，唔能夠講啲乜。」江若琳早前趁空檔，獲媽咪資助到倫敦修讀短期課程，佢話唔想成日令屋企人擔心，好希望快啲賺錢報答番媽咪。
撰文：馮仁昭
【7.1上街】 自己政府自己揀，直播7.1大遊行:
http://71.appledaily.com/